P - Peace, Order, Security and Traffic System

Solusyong pangmatagalan, hindi panandalian

Security, peace and order

Tiniyak ni Mayor Eric Africa ang seguridad sa Lungsod ng Lipa sa pamamagitan ng pagpapaigting ng ugnayan ng pamahalaan, ng kapulisan at ng mga barangay. Ramdam ng PNP Lipa, Bureau of Fire Protection at mga barangay tanod ang pagpapahalaga sa kanila ng pamahalaan. Namahagi tayo ng mga Kawasaki motorcycles at mobile phones sa PNP Lipa kasabay ng pagpapakabit ng mga CCTV sa mga estratehikong lugar sa lungsod. Karagdagang ding pondo at skills training ay ibinigay sa kanila upang palakasin ang kakayahan ng mga barangay sa pagtugon sa mga pangangailangan ng kanilang mga nasasakupan.

Kasama ang City Disaster Risk Reduction and Management Office, sinusugan ni Mayor Eric Africa ang karagdagang mga motorsiklo, service vehicles at ambulansya upang masiguro ang mabilis na pagtugon ng pamahalaan sa mga nangangailangan ng tulong. Karagdagang service vehicles din ang ipinarating na tulong nina Sen. Ralph at CongW. Vilma Santos-Recto sa mga barangay sa ating lungsod.

Isinaayos din ang Bahay Aruga para sa mga batang naulila at Bahay Agapay para sa rehabilitasyon ng mga nalulong sa ipinagbabawal na gamot. Naging makatao ang pakikitungo sa kanila sa mga nasabing mga institusyon upang lalo’t higit nilang naramdaman ang tamang pagtrato at pagpapahalaga sa kanila ng pamahalaan. 

Hatid na solusyon ukol sa trapiko

Agarang aksyon at pangmatagalang solusyon ang tugon ni Mayor Eric Africa sa problema sa trapiko na dulot ng makikitid na kalye, mga nakatayong gusali na dinatnan na at mabilis na pagdami ng populasyon. Tinatayang nasa 283,468 lamang ang populasyon natin noong 2010 subalit umabot na sa 398,739 ngayong 2021. Ito ang nagbunsod kay Mayor Eric upang isagawa ang mga road widening projects at maglagay ng mga traffic lights sa mga major roads/highways. 

Pinondohan din ang pagbubukas ng mga bagong access roads na mag-uugnay sa mga barangay upang maibsan ang trapiko sa kabayanan. Katulong din natin sina Sen. Ralph at CongW. Vilma Santos-Recto sa paglalagay ng mga iba pang access roads tulad ng Manila-Batangas Bypass Road at ang Lipa-Padre Garcia Diversion Road.  Magiging daan ito upang higit na maging maunlad ang iba pang mga barangay sa lungsod. Nasa 71,584.30 squeare meters na ang naipagawang nating kalsada sa loob ng nakaraang 2 taon. 

Bukod pa riyan ay tiniyak din ang seguridad ng mga pedestrian at motorista sa pamamagitan ng pagpapailaw sa palengke at iba pang mga panulukan sa Lungsod ng Lipa. 

Mga bagong gusali na pinatayo para higit na maging handa ang lipa laban sa sakuna

Saludo ang pamahalaan sa ipinamalas na malasakit, sipag at tapang ng City Disaster Risk Reduction and Management Office, PNP Lipa, AFP, BFP at mga barangay functionaries. Sa gitna ng nagdaang mga sakuna tulad ng pagputok ng bulkang Taal, mga bagyo at ng nakamamatay na Covid-19, hindi sila natinag sa paghahatid ng serbisyo sa mga mamamayan. Wika nga ng isa sa mga barangay functionaries, 

“ Ang aming lakas ay hinuhugot namin sa sipag at malasakit ng Ama ng lungsod ng Lipa, Mayor Eric Africa”

Basura sa lipa, naging pera!

Sa simula ng administrasyon ni Mayor Eric Africa, ang problema sa basura ang isa sa mga una niyang isinaayos. Batid ni Mayor Eric na hindi kaya ng pamahalaan lamang ang pagsasaayos nito kung kaya hiningi niya ang tulong ng bawat isa. Naglunsad ng iba’t ibang Environmental Brigade Activities, citywide clean-up drive at Trash to Cash project kung saan ang mga plastik, bote, papel at iba pang kagamitan ay binibili ng pamahalaan at pinapalitan ng kaukulang puntos na pwedeng ipalit ng groceries at appliances. Sa proyektong ito, tinuturuan ang mga mamamayan na maging disiplinado ng tamang pamamanihala ng basura sa kani-kanilang mga tahanan.

Basura kapalit ng semento

1.3 milyong kilograms ng plastic at container bottles ang tinunaw sa Republic Cement bilang bahagi ng programang pangkalikasan ng Lungsod ng Lipa. Kapalit ng isang daang kilong tinunaw na plastic ay 1 bag ng semento. Tinatayang nasa 918.45 bags na semento ang naipon ng lungsod mula sa Republic Cement. 

Hagupit ng bagyo

Siniguro ni Mayor Eric Africa ang kaligtasan ng mga Lipeño laban sa mga bagyong humagupit sa lungsod. Ang lahat ng apektadong mamamayan lalo’t higit ang mga nakatira sa ilalim ng tulay, sa tabi ng lawa at malapit sa pagbaha ay kaniyang binisita at inilikas sa higit na ligtas na lugar at malayo sa mga danger zones at kaagad nagpapaabot ng mga tulong sa kanila.

Hamon ng ASF

Sa gitna ng pangambang hatid ng Covid-19, hindi rin nakaligtas ang lungsod sa hamon ng African Swine Fever (ASF). Mabilis at tiyak ang pagtugon ng pamahalaan sa pamamagitan ng City Veterinary Office, City Agriculture Office at City Cooperatives Office. Dahil dito, kinilala ang Lungsod ng Lipa bilang kauna-unahang ASF-Free na lugar sa buong bansa. Kinaya ng Lipa sa pamamagitan ng pagtutulungan at pagkakaisa ng pamahalaan at mga apektadong mamamayan.

BaBay ASF:  The Lipa Way

“Help the Industry at All Cost!”, determinado at matapang nautos na binitiwan ni Mayor Eric B. Africa, kung kaya naman, di nakapagtatakang maitanghal na Model City ang Lipa dahil kauna-unahang lungsod sa buong Pilipinas na napagtagumpayan ang isang pandemya na lumipol at syang naging dahilan ng pagbagsak ng industriya ng pagbababuyan sa buong bansa.

Bago pa man tumama sa Lipa ang ASF, inihanda na at iniutos ni Mayor Eric ang dagliang pagbubuo ng “Quick Response Team”, pagtatayo ng limang (5) stationary animal quarantine, pagtatalaga ng isang Mobile Surveillance Vehicle, “ASF Awareness Campaign” sa dalawampu’t pitong barangay, mahigpit na pagpapatupad ng “No Animal Inspection, No Veterinary Health Certificate, No Slaughter Policy.”  Sa kanyang atas, Executive Order No. 40, series of 2019, binuo ang ASF Task Force noong Setyembre, 2019 at Executive Order No. 49, series of 2020, Pagdedeklara ng Total Ban/Lockdown sa Pagpasok ng Baboy at Pagbebenta ng lahat ng “processed pork products” sa Lungsod ng Lipa.  Naihanda ang Lipa sa mas malalang epekto ng pandemya.

“Hats-off talaga ako kay Mayor Eric B. Africa sa personal nyang pag-aksyon at pagsuporta sa pagsugpo ng ASF.  Bihira ang ganitong katangian sa isang Chief Executive.  Ang ibang Local Chief Executive, inuuna ang pagpapapogi, kaysa solusyunan ang problema,” binitiwang paghanga ni Dr. Ruth Sonaco, Director, National Livestock Program.

Hindi naging madali para sa Lipa ang pagsugpo ng ASF, sa kadahilanang ang lungsod ay mismong nasa sentro ng Lalawigan ng Batangas, sentro din ng komersyo at dito rin matatagpuan ang tanging “Triple A Classification” na slaughterhouse na dalahan ng mga kakataying baboy at baka, galing sa mga karatig na bayan at probinsya.  Dagdag pa rito, ang mabigat na paglaban sa magkasabay na dalawang pandemya na nararanasan ng buong mundo, ang COVID-19 at ang African Swine Fever or “ASF”.

Ika-7 ng Hulyo, 2020 naitala ang unang kaso ng ASF sa Lipa na nagmula sa isang commercial na breeding farm at mabilis itong kumalat sa labing-apat (14) na barangay.  Sa pagkakataong ito, “smallhold hog raisers” ang mga apektado.  Dalawang buwan…24/7 na walang humpay na paghihigpit sa lahat ng checkpoints.  Personal na binibisita ni Mayor Eric ang mga checkpoints at pinupuntahan ang mga smallhold hog raisers, upang tiyakin na sumusunod sa mga health protocols or biosecurity measures upang pigilan ang lalo pang paglaganap ng virus na ito.  Sa kanyang pagbisita na ito, walang kasamang security guard, driver at photographer ang Mayor.

Gayundin, namahagi rin ng mga disinfectants at agricultural lime, sa mga karatig ng mga apektadong barangay.  Patuloy din ang pagtuturo ng “culling protocol” at pagtulong sa mga apektadong smallhold hog raisers.  Samantala, para sa mga malalaking farm, personal na iniutos ni Mayor ang emergency purchase ng backhoe upang ilibing ang libo-libong ulo ng baboy upang di na lumala ang pinsalang dulot nito.

Sa kabila ng kakulangan ng supply, noong kasagsagan ng virus, hindi masyadong tumaas ang presyo ng baboy dito sa lungsod kumpara sa mga karatig na probinsya at maging sa Metro Manila.  Nanatiling may nabibiling ligtas at seguradong kalidad na karne at panatag ang kalooban ng mga Lipeño sa banta ng ASF.  

Sa loob lamang ng labing-isang buwan mula ng tumama ang unang kaso ng virus, naideklarang kauna-unahang lungsod sa buong Pilipinas na ASF-Free Pink Zone Status ang Lipa at ginawaran ng pagkilala ng Department of Agriculture Secretary William D. Dar si Mayor Eric B. Africa, bilang Model LGU in ASF Response.  Isang “model protocol” ang ginawa sa Lipa City at ipinag-utos ni Secretary Dar, na gawing panuntunan ng lahat ng LGUs sa buong Pilipinas.

Sa pangunguna ni Mayor Eric, madaling napagtagumpayan at natapos ang krisis sa pagbababuyan dito sa Lipa.  Ngunit di pa rin sya tumigil, patuloy pa rin ang pagtulong upang higit na mapangalagaan ang industriyang ito.  Pinagkalooban ng mga ‘dumalagang baboy’ ang 64 na smallhold hog farmers na boluntaryong nagsurender ng kanilang mga alagang baboy na may sakit, upang patayin sa kasagsagan ng ASF.

Sa kanyang utos, naipasa ng Sangguniang Panlungsod ang Special Ordinance No. 07-2021, Regulating the Re-Population of Live Hogs in Areas Affected by ASF Through the Bantay-ASF sa Barangay.  Naglaan din ng halagang P1M noong 2021 at 2022, at ginawang P2M ngayong 2023, para sa Animal Emergency Preparedness Budget, na tanging ang Lipa City lamang ang may ganitong pondo.

Patuloy pa rin ang surveillance activities sa lahat ng backyard at commercial farms, slaughterhouse at meat markets kahit deklaradong ASF-free na ang Lipa.  Nagtalaga din ng limampu’t anim (56) na Barangay Biosecurity Officers upang patuloy na magmonitor sa lahat ng farms, tiyakin na ligtas sa sakit ang lahat ng alagang hayop at upang madaliang maireport ang posibleng pagkakaroon ng mga animal diseases, gayundin ang paglabas at pasok ng karne ng baboy sa Lungsod ng Lipa.

Bilang pabuya sa mahusay na pagsugpo ng ASF, binigyan ng Department of Agriculture – National Livestock Program ng isang mini-PCR system na nagkakahalaga ng P300,000, upang magamit sa surveillance.  Para sa animnapu’t anim (66) na smallhold hog raisers, tig-2 biik ang kaloob ng kagawaran parte ng ASF Recovery Program.  Samantalang isandaan at dalawa (102) smallhold hog raisers naman ang nabigyan ng LGU-Lipa ng tig-2 biik, bahagi pa rin ng Enhanced Backyard ‘agri-Livestock Dispersal Project.

Ang lahat ng ito ay ang kakaibang estratihiya na pinatupad ni Mayor Eric B, Africa upang kaagad na masugpo ang ASF at muling sumigla ang industriya ng pagbababuyan sa Lipa, at patuloy na makapag-supply sa iba pang karatig probinsya, lalo’t higit sa Metro Manila.

Sa pahayag na binitiwan ni Former Secretary William Dar, ipinamalita ng Department of Agriculture ang naging pamamaraan ng Lipa City sa pagsugpo ng ASF, daan upang maging sentro ng benchmarking activities ang Lipa, hindi lamang sa Pilipinas, maging ng ibang bansa.  Ilan lamang sa mga bumisita sa Lipa City ang European Chamber of Commerce, French Government, Korean Government ( na naglalayong magtatag ng International Meat Academy sa Lipa), mga postgraduate students ng Indian Government, US Department of Defense at ang United Nations – Food and Agricultural Organization.  Naging Resource Speaker din si Mayor Eric B. Africa sa US Department of Defense – Cooperative Biological Engagement Program.

Kaugnay din nito, sa bisa ng Executive Order No. 94, series of 2021, itinatag ang Food Security Team ng Lipa, na nagbibigay seguridad na lagging may ligtas na pagkain sa bawat hapag kainan ng Pamilyang Lipenyo. Sa ngayon, nariyan pa rin ang banta ng ASF, katunayan patuloy itong namiminsala sa buong Pilipinas, lalo’t higit sa Visayas, ngunit dahil sa isang lider na determinado at sustainable biosecurity practices, patuloy na nagiging ligtas ang Lungsod ng Lipa.  

Pagsabog ng bulkang taal

6,300 na evacuees ang kinalinga sa 16 na evacuation centers sa Lungsod ng Lipa sa loob ng 27 araw.

27,000 na mga homesettlers mula sa mga karatig bayan ang sumilong sa mga barangay. Malaki ang pasasalamat nila sa Lungsod ng Lipa.

500,000 food packs ang ipinamahagi ng pamahalaan sa lahat ng mga nasalanta ng pagsabog ng bulkang Taal na pansamantalang nanirahan sa lungsod. 

Hamon sa pandemyang Covid-19

7,221 bigas at grocery packs na ang naipamahagi sa mga nagpositibo sa Covid-19.

22, 410 bilang ng mga benepisyaryo ng Medical at Burial Assistance mula sa lokal na gobyerno. (AICS)

652, 749 bilang ng mga nabakunahan sa Lungsod ng Lipa. (As of 2/18/22)

800,000 food packs na ipinamahagi sa lahat ng Pamilyang Lipeño sa loob ng 2-3 buwan ng ECQ

Kinilala ng Inter Agency Task Force (IATF) ang husay at galing ng Lipeño frontliners at ng Pamahalaang Panlungsod ng Lipa sa larangan ng pagbabakuna. Pasasalamat ang nais ipaabot ni Mayor Eric sa lahat ng tumulong at boluntaryong nagbigay ng serbisyo na pinangunahan ng City Health Office, City Disaster Risk Reduction and Management Office, City Public Order and Safety Office, Department of Health, BHW, BNS, medical frontliners mula sa mga pribado at pampublikong hospital, PNP, AFP, BFP, barangay captains at functionaries at sa lahat ng Lipeño sa kanilang pagsuporta at patuloy na pagkakaisa.

COVID-19 Response

Buong mundo ay nabulaga at nagulat sa matinding pagtama ng COVID-19.  Lahat ay hindi nakahanda sa matinding dagok at epektong dulot nito, tulad ng pagkamatay ng napakaraming mamamayan, matinding hamon sa public health, pagbagsak ng ekonomiya at malawakang pagkawala ng trabaho.  Ang Lipa na nasa mismong sentro ng kalakalan ng buong Probinsya ng Batangas ay hindi nakaligtas dito.  Ngunit nagawan ng paraan ni Mayor Eric B. Africa na gumaan kahit papaano ang sakit at hirap na dulot ng pandemya.

Isang taon bago pa man tumama ang COVID-19 sa bansa nakapagpatayo na si Mayor Eric ng isang “columbarium” na may 250 pitak, bilang paghahanda sa mga “unexpected incidence.”  At sa kasagsagan ng pandemya, ipinag=utos niyang gamitin ang isang malaking “multi-purpose hall” na nagsilbing “Classified Quarantine at Isolation Facilities” na may mga sukat na six thousand (6,000) square meters and one thousand seven hundred thirty three (1,733) square meters, para sa severe, moderate at asymptomatic cases at agaran ding naitayo ang “First Molecular Laboratory”, una sa labas ng Metro Manila.

Nobyembre, 2019 pa lang, namahagi na ng mga “hygiene kits” sa lahat ng eskwelahan sa lungsod at bago maglockdown, minarapat ng DepEd na ipag-utos sa lahat ng mga Principals na i-donate ang mga “hygiene kits” sa lahat ng Punong Barangay.  Lipa City din ang unang lungsod na nagbuo ng “Barangay Health Emergency Response Team” (BHERTS) noong Pebrero, 2020.

Sa pagtama ng ECQ, naihanda ang mga “food packs” na naipamahagi sa lahat ng residente ng 72 barangay.  May kabuuang 800,000 food packs ang naipamahagi simula March 16 - May 15.  Gayundin, nakahanda ang LGU para sa pamamahagi ng medical at burial assistance.  Kabilang ang Lipa City sa iilang mga LGU na kayang magkaloob ng Remdesivir at Molnupiramir, mga mamahaling gamut para sa COVID, na sumagip ng maraming buhay sa tiyak na kamatayan.

Para pigilan ang paglabas at pagpasok ng mga tao sa lungsod, walong (8) checkpoints ang naitayo upang mahigpit na tumugon sa lahat ng IATF Guidelines.  Handa din ang lungsod sa pagkakaloob ng libreng ambulansya, “emergency vehicles”, libreng RT-PCR Swabbing at Antigen Test sa lahat ng “suspected cases” at libreng “cremation services.”

Sa pagdating ng bakuna sa bansa, agarang “door-to-door education campaign” ang isinagawa upang maipaliwanag ang kahalagahan nito sa pagsugpo ng COVID-19.  Ika-20 ng Marso, 2021 unang naisagawa ang RESBAKUNA sa parking lot ng SM Lipa.  Kasunod nito, nagtalaga pa ng dalawampu’t apat (24) na “vaccination sites” kabilang din ang “Vaccination on Wheels” strategy.  Sa loob lamang ng anim na buwan, 100% coverage na ang Lipa City, para sa una at pangalawang dose ng bakuna.  Dagdag pa rito, bukas-loob na inialok ang mga bakuna at pagbabakuna sa mga karatig na bayan dito sa lalawigan.

Lipa City din ang unang nagpatupad ng school-based vaccination sa buong Pilipinas, sa walumpu’t pitong (87) paaralan ng lungsod para sa 13,057 na mga bata.  Sa kabuuan, nagtala ng 745,332 doses ng bakuna ang naiturok sa mga taga-lungsod at karatig-bayan.

Umani ng kabi-kabilang pagkilala ang mga initiatibo ni Mayor Eric B. Africa sa pagsugpo ng COVID-19 sa lungsod at mga karatig-bayan.  Ilan dito ay ang mga sumusunod: National Level: Great Jab Award – City with Highest Vaccination Coverage for CY 2021 (DOH), Gold Award – National Disease Surveillance (DOH), Best Practices for COVID Response – Prevention, Isolation, Treatment & Reintegration Strategy (DOH), Best Practices on Vaccination Program (CSC – Central Office) ;  Regional Level: Best Practices on Vaccination Program (CSC – Region IV); Provincial Level: Top Performing City in Batangas Province (Provincial Health Office) and Top Performing Epidemiology Surveillance Unit in Acute Flaccid Paralysis Detection – Lipa CESU (Provincial Health Office)

Hanggang sa kasalukuyan, patuloy pa rin ang pagbabantay at pagsugpo sa COVID-19, sa pamamagitan ng   pagbabakuna, Antigen at RT-PCR Testing.  Higit sa lahat, patuloy ang pag-aalay sa lahat ng mga apektadong sector upang tuluyang makabangon sa dagok na dulot ng COVID-19.